4 шыжа

← → Шыжа
Шч Кш Вр Из Кг Шм Рш       1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

4 шыжа (4 октябрь) — григориан кечышот почеш идалыкын 277-ше (кужемдыме ийлаште — 278-ше) кечыже. Идалык пытыме марте 88 кече кодеш.

Йошкар-Олаште ☀️ Кече 6 шагатат 8 минутлан лектеш, 17 шагатат 28 минутлан шинчеш. Кечын кужытшо 🕒 11 шагатат 20 минут.
🌗 Пытартыш чырык (22.31 тылзе кече).

Пайрем да шарныктарыше кече-влак

• — Чонанын тӱнямбал кечыже (руш. Всемирный день животных).
•  Россий — Россий Федерацийысе граждан обороно войскан кечыже (руш. День войск гражданской обороны Российской Федерации).
•  Россий — Российысе сандалык войскан кечыже (руш. День космических войск России).
• Шыргыжмашын тӱнямбал кечыже (руш. Всемирный день улыбки) — шыжа тылзын 1-ше кугарнян палемдалтеш.
• Шукемдыше таблицын тӱнямбал кечыже (руш. Всемирный день таблицы умножения).

Лӱмгече

• Дмитрий, Иосиф, Иван, Константин, Даниил, Валентин, Владимир, Андрей, Агния.

Эртынчык-влак

Тугак ончо: Категорий:Шыжа тылзын 4 кечысе событий-влак

• 1925 — Марий кундемысе писатель-влакын икымше погынымаш Чарлаште эртен.

• 1830 — Керчь ола воктенысе Куль-Оба курганыште тошто склепым муыныт. Тиде – XIX-ше курымын ик эн кугу археологический находкылан шотлалтеш.
• 1957 — Мландын орбитышкыже икымше искусственный спутникым лукмо.

Шочыныт

Тугак ончо: Категорий:Шыжа тылзын 4 кечынже шочшо-влак

• 1930 — Иван Степанович Гусев, партий пашаеҥ. Марий Тӱрек кундем Аимке ялыште шочын-кушкын. КПСС обкомын кокымшо, вара икымше секретарьжылан ыштен. Марий республикын гына огыл, Россий Федераций кӱшыл погынын депутатшылан сайлалтын.
• 1933 — Гурий Иванович Лаврентьев марий йылмызе, шанчызе, туныктышо, филологий шанче доктор (1994), профессор.
• 1951 — Валериан Иванович Денисов, Марий Элын сулло туныктыш пашаеҥже. Юлсер кундем Ӱлыл Азъялыште шочын-кушкын. Ончычсо паша корныжо шочмо кундемласе школла дене кылдалтын. 1989-ше ийыште тудо кундемысе туныктыш пӧлкан вуйлатышыже лийын, а 1992-шо ийыште туныктыш министр сомылымат шуктен. Умбакыже уэш шочмо кундемыш пӧртылын, 8 ий ончыч администраций вуйлатышын алмаштышыже сомылым шукташ шогалын.
• 1955 — Александр Сергеевич Давыдов, юрист, Россий Федерацийын сулло юристше. Курыкмарий кундемыште шочын. 1982-шо ий гыч тудо Килемар кундемын судьяжлан шогалын, вара Марий кӱшыл судышко куснен – вуйлатышыже лийын.
• 1956 — Аркадий Семёнович Ефремов, марий йылмызе, шанчызе, туныктышо, журналист, филологий шанче кандидат (1987).

Коленыт

Тугак ончо: Категорий:Шыжа тылзын 4 кечынже колышо-влак

• 2007 — Юрий Петров, руш серызе, почеламутчо, журналист, мер пашаеҥ, Марий АССР-ысе Кугыжаныш премийын лауреатше (1977), Марий АССР-ысе тӱвыран сулло пашаеҥже (1980).

Калык пале

• Игече ояр да леве, но мардеж йӱдвел-эрвелым але йӱдвелым пуа гын, теле йӱштӧ лиеш.
• Мардежан ояр игече йӱштӧ телым сӧра.
• Кондратын да Ипатын кечышт. Тиде кечын чыла кугу пашам вораҥдараш тыршеныт. Пакчасе йыраҥлашке терысым луктыныт. Кас велеш гын кажне ешын устембалныже шӱльӧ пучымыш лийшаш улмаш.